FYSIOTERAPI

Kristian er útbúgvin fysioterapeutur frá Fysioterapeutskúlanum í Esbjerg í 2008. Kristian hevur verið á ymiskum skeiðum í manuellari viðgerð, Kinesio tape, manipulatión og McKenzie.

Umframt hetta hevur hann tikið IMS Akupunktur og er certifiseraður IMS akupunktørur frá 2009.

Kristian hevur eisini tikið eftirútbúgving hjá SuperSole viðv. framleiðslu av serinnlegssólum.

Í oktober 2012 fór Kristian undir ítróttarfysioterapi-útbúgvingina og tók 2 skeið í oktober 2012 og 2 skeið í mars 2013. Introduktiónsskeiðið, Tapeskeið, Akslaskeið og Alboga- og hond-skeið hjá Ítróttarfysioterapi Fakbólkinum.

Kristian hevur harumframt verið og er fysioterapeutur hjá fleiri ymiskum fótbóltslandsliðum síðan 2007. Fysioterapeutur hjá 1. liðnum hjá B68 síðan 2011.

VIÐGERÐIR OG KANNING

Tá ein kemur til fysioterapi fyrstu ferð, er eitt innleiðandi prát fyri at finna fram til, hvat orsøkin kann vera til pínuna. Sera umráðandi er at gjøgnumganga sjúkrasøguna, so at tann rætta viðgerðin kann verða givin kundanum.

Eftir eitt prát verður farið undir ta víðfevndu fysioterapeutisku kanningina, sum tekur  støði í, hvar í vøddum og beinagrind kundin hevur trupulleikar. Hetta verður gjørt við at gera fleiri kliniskar kanningar, ið kunna vísa á, hvør trupulleikin er, og hvussu viðgerðin skal vera.

Út frá tí innleiðandi prátinum og víðfevndu kanningini verður so farið undir viðgerðina av trupulleikanum.
Kanning og viðgerð tekur altíð støði í ávísingini frá læknanum.

Við at fáa fysioterapeutiska viðgerð verður ein skjótari frískur aftur. Sera ymiskt er, hvussu nógvar viðgerðir skulu til. Hevur pínan verið í longri tíð, hava spenningarnir ofta breitt seg longur út. Tá krevjast fleiri viðgerðir fyri at fáa spenningar og stirvni burtur. Kronisk pína krevur eisini longri tíð og viðgerð, men kann betrast við góðari viðgerð og venjingum heima.

VIÐGERÐARHÆTTIR

Viðgerðarhættirnir eru ymiskir, alt eftir hvør trupulleikin hjá kundanum er. Her eru nakrir av viðgerðarhættunum, sum ofta kunna verða brúktir:

Massasja

Massasja verður brúkt fyri at loysa upp í vøddum og bindivevnaði, og somuleiðis at minka um vøddaspenningar og betra um blóðrenslið.
Massasjuhættirnir kunna vera tvørmassasja, triggarpunktviðgerð fyri at minka um pínu og pínuútstráling.

Toygging av vøddum

Til at toyggja vøddar verða ofta brúktir teknikkir sum passiv og aktiv PNF.

Mobilisering

Mobilisering er ein serstøk og liðnær toygging. Brúkt verður lítil kraft og seinar rørslur fyri at uppnáa vanliga funktión í liðinum.

Manipulatión

Manipulatión verður brúkt fyri at normalisera funktiónina í ryggi ella ekstremitetsliði. Tað vera nýtt serlig tøk, ið verða framd kvikliga, men við so lítlari kraft sum gjørligt.

El-terapi

Vit hava ultraljóð og TNS, sum altíð verða brúkt saman við omanfyri nevndu viðgerðarhættum. Tað kann bæði vera brúkt undan ella eftir hinar viðgerðirnar.

Shockwave

Vegleiðing

Vegleiðing er altíð ein partur av viðgerðini. Tað vil siga, at kundin altíð fær at vita, hvat  atvoldin til trupulleikarnar kann vera, og hvussu vit í felag kunnu hjálpa, so at tað ikki verður ein afturvendandi trupulleiki.

Venjingar

Einstakar venjingar og venjingarskráir verða ofta givnar kundanum, so at hann skjótari kann koma fyri seg. Verða venjingarnar gjørdar ofta og gjølla, gevur tað sera ofta eitt gott úrslit.

VENJINGAR OG UPPVENJINGAR

Vit hava eitt gott venjingarhøli á viðgerðarstovuni, og her kunnu vit vegleiða og hjálpa tykkum at venja uppaftur eftir drúgvan skaða ella sjúku.

Tað kann bæði vera eftir skurðviðgerð ella bara sum ein liður í fysioterapi-viðgerðini.

PRÍSIR

Vit arbeiða eftir ávísing frá lækna, har Heilsutrygd so rindar hálva gjaldið fyri kanning og viðgerð.

Tað ber eisini til koma til fysioterapi uttan ávísing, men tá skal ein sjálvur so gjalda fulla gjaldið.

1. viðgerð

Takstur: 514,40 kr.
Heilsutrygd: 50%

257,20 kr.

Bóka tíð

Viðgerð

Takstur: 385,80 kr.
Heilsutrygd: 50%

192,90 kr.

Bóka tíð

BÓKA TÍÐ

Bóka tíð umvegis frymilin

Eisini ber til at ringja ella at senda teldupost.

Telefon: +298 447272
Teldupostur: hkcare@hkcare.fo

FYSIOTERAPI

Heiðavegur 5
FO-600 Saltangará
Faroe Islands

Fysioterapi & Kosmetolog
+298 447272
hkcare@hkcare.fo

VIT HAVA OPIÐ

Mánadag-leygardag
eftir avtalu

FYLG OKKUM Á

© 2024 HKcare. Rita inn. Ein heimasíða frá ELSE